დედოფლისწყაროს მუნიციპალიტეტის მერმა ნიკოლოზ ჯანიაშვილმა და რეგიონული პროექტების სამსახურის კოორდინატორმა გიორგი კიკნაძემ მუნიციპალიტეტში მიმდინარე ინფრასტრუქტურული პროექტები კიდევ ერთხელ დაათვალიერეს. 
  ნიკოლოზ ჯანიაშვილი და გიორგი კიკნაძე ადგილობრივ მოსახლეობასაც შეხვდნენ და სამშენებლო სამუშაოების შესახებ გაესაუბრნენ. 
  მუნიციპალიტეტის მერის განცხადებით, დედოფლისწყაროში არაერთი ინფრასტრუქტურული პროექტი მიმდინარეობს, ადგილობრივი ხელისუფლება კი ცენტრალური ხელისუფლების წარმომადგენლებთან ერთად მათ მონიტორინგს აქტიურ რეჟიმში ახორციელებს.